বঙাইগাঁও জিলাৰ আমতলাত উদ্ধাৰ হোৱা পাৰেৰচৰ পাৰ্ট 2 কুশীমুদদিন নামৰ এজন ই ৰিক্সা চালকৰ মৃত দেহ উদ্ধাৰ হোৱাৰ পিছতে সেই হত্যা কাণ্ডৰ লগত জড়িত থকা হত্যাকাৰীক তিনিজনক আটক কৰিবলৈ সক্ষম হৈছে অভয়াপুৰীৰ আৰক্ষীয়ে । অভয়াপুৰীৰ থানাৰ আৰক্ষীৰ এয়া এক বিশেষ সফলতা । এই কুশীমুদ্দিন আছিল বঙাইগাঁও জিলাৰ পাইৰাৰ চৰ পাৰ্ট 2 নিবাসী মুকছেদ আলিৰ পুত্ৰ । যোৱা কিছুদিন পুৰ্বেই কুশীমুদ্দিন হঠাৎ নিৰুদ্দেশ হয় আৰু বুধবাৰে আমতলাৰ পাহাৰৰ কাষত উদ্ধাৰ হয় কুশীমুদ্দিনৰ মৃত দেহ ।
তাৰ পিছতেই অভয়াপুৰীৰ থানাৰ আৰক্ষীয়ে দ্ৰুতগতিত অভিযান চলাই কৰায়ত্ব কৰিবলৈ সক্ষম হয় তিনিজন অপৰাধীক ।ই ৰিক্সা খনৰ বেটাৰীৰ বাবেই সংগঠিত হল এই জঘন্য হত্যা কাণ্ড বুলি মন্তব্য আগবঢ়াইছে আৰক্ষীয়ে । এই হত্যা কাণ্ডৰ লগত আন কোনোবা জড়িত থাকিলে সেই সকলকো শীঘ্ৰেই কৰায়ত্ব কৰা হব বুলি আৰক্ষীয়ে জনাইছে ।অভয়াপুৰীৰ পৰা হিমাংশু দাসৰ বিশেষ প্ৰতিবেদন, Times Guwahati২৬ নৱেম্বৰ
