আপুনি যদি ৰাজ পথত দুৰ্ঘ্টনা হোৱা লোকক বচাই তেন্তে আপুনি পাব নগদ ৫০০০ টকা ।
কেন্দ্ৰীয় পথ পৰিবহণ আৰু ঘাইপথ মন্ত্ৰালয়ে ভাল চমৰীয়াসকলক নগদ ধনৰ বঁটা প্ৰদানৰ আঁচনি আৰম্ভ কৰিছে, যিসকলে পথ দুৰ্ঘটনাৰ বলি হোৱা লোকসকলক তাৎক্ষণিক সাহায্য প্ৰদান কৰি আৰু কম সময়ত চিকিৎসাৰ বাবে চিকিৎসালয়ত ভৰ্তি কৰি জীৱন ৰক্ষা কৰে তেওলোকৰ বাবে কেন্দ্ৰীয় পথ পৰিবহণ আৰু ঘাইপথ মন্ত্ৰালয়ে নগদ ৫ হাজাৰ টকা ব্যৱস্থা কৰিছে
প্ৰতিজন ভাল চমৰীয়াক ৫ হাজাৰ টকাৰ নগদ বঁটা প্ৰদান কৰিব মন্ত্ৰালয়ে। ইয়াৰ উপৰিও প্ৰতিটো নগদ বঁটাৰ বাবে তেওঁলোকক ‘প্ৰশংসাৰ প্ৰমাণ পত্ৰ’ প্ৰদান কৰা হ’ব বুলি পুডুচেৰীৰ পৰিবহণ আয়ুক্ত এ এছ শিৱকুমাৰে কয়।
মন্ত্ৰালয়ে অতি যোগ্য ভাল চমৰীয়াসকলৰ বাবে ১০টা ৰাষ্ট্ৰীয় পৰ্যায়ৰ বঁটা প্ৰদান কৰাৰ লগতে ১ লাখ টকাকৈ নগদ ধনেৰে সন্মানিত কৰাৰ প্ৰস্তাৱ আগবঢ়াইছে। যিসকলক গোটেই বছৰটোৰ ভিতৰত ৫ হাজাৰ টকাৰ নগদ বঁটা প্ৰদান কৰা হৈছে তাৰ মাজৰ পৰা ১০ জন ভাল চমৰীয়াক নিৰ্বাচন কৰিব, পৰিবহণ বিভাগে নিজৰ ৱেবছাইটত আঁচনিখনৰ বিশদ নিৰ্দেশনাৱলী প্ৰকাশ কৰিছে।
