Indian Railways আপুনি বাৰু ৰেলত উঠি পাইছে, কিন্তু আপুনি বাৰু ৰেলৰ চকাৰ ওজন কিমান জানেনে?
ভাৰতীয় ৰেলৱে সমগ্ৰ বিশ্বতে বিখ্যাত। দেশৰ চুকে-কোণে বিয়পি পৰিছে ভাৰতীয় ৰেলৱে। সমগ্ৰ দেশৰ বিশাল নেটৱৰ্কে ভাৰতীয় ৰেলৱেক বিশ্বৰ চতুৰ্থ বৃহত্তম ৰেল সেৱা প্ৰদানকাৰী হিচাপে গঢ়ি তুলিছে। প্ৰতিদিনে কোটি কোটি যাত্ৰীৰ একমাত্ৰ আশা এই ভাৰতীয় ৰেল ব্যৱস্থা।
আজি আমি ভাৰতীয় ৰেলৱেৰ বিষয়ে কিছু আমোদজনক তথ্য আগবঢ়াম।
ৰেলৰ এটা চকাৰ ওজন কিমান হ’ব পাৰে জানেনে? ৰেলখনৰ চকাবোৰ যথেষ্ট ডাঠ যেন লাগে। ৰেলখনৰ সমগ্ৰ বোজা এই চকাবোৰৰ ওপৰত । কিন্তু এই ৰেলৰ চকাবোৰৰ ওজন কিমান বাৰু ?
Steel Authority of India (SAIL) ই ৰেলৰ চকা নিৰ্মাণ কৰে। ই এটা চৰকাৰী সংগঠন। SAILৰ তথ্য অনুসৰি বহল গেজ লাইনত চলা ৰে’লৰ কম্পাৰ্টমেণ্টত থকা চকাৰ ওজন ৩৮৪ কিলোগ্ৰামৰ পৰা ৩৯৪ কিলোগ্ৰাম হয় ।
কিছুমান স্থানীয় ৰেলৰ চকাৰ ওজন ৪২৩ কিলোগ্ৰাম পৰ্যন্ত হ’ব পাৰে। আনহাতে LHB ডবাত ব্যৱহৃত চকাবোৰৰ ওজন ৩২৮ কিলোগ্ৰাম পৰ্যন্ত। আনহাতে, মালবাহী গাড়ীখনৰ ডিজেল ইঞ্জিনৰ হুইলছেটৰ ওজন প্ৰায় ৫২৮ কিলোগ্ৰাম। ৰেলৱেৰ WAP 5 আৰু WAP 9 ইঞ্জিনৰ চকাৰ ওজন ৫৫৪ কিলোগ্ৰাম পৰ্যন্ত। আনহাতে, নেৰ’ গেজৰ ক্ষেত্ৰত চকাৰ ওজন ১৪৪ কিলোগ্ৰাম।
