zubeen garg admit at hospital
চিকিৎসালয়ত ভৰ্তি হৈ আছে জনপ্ৰিয় কণ্ঠশিল্পী তথা সংগীত পৰিচালক জুবিন গাৰ্গ। অসমৰ ডিব্ৰুগড়ৰ এখন ব্যক্তিগত চিকিৎসালয়ত ভৰ্তি কৰোৱা হৈছে। অসমৰ জনপ্ৰিয় কণ্ঠশিল্পী গৰাকীক চিকিৎসালয়ত ভৰ্তি হোৱাৰ খবৰ ওলোৱাৰ লগে লগে অনুৰাগীসকল চিন্তিত হৈ পৰে। বহুতৰ মনত প্ৰশ্ন, হঠাতে কি হ’ল?
জানিব পৰা মতে, মূৰত আঘাত পোৱাৰ বাবে তেওঁক চিকিৎসালয়ত ভৰ্তি কৰোৱা হৈছিল। শেহতীয়াকৈ তেওঁ এটা অনুষ্ঠানত অংশগ্ৰহণ কৰিবলৈ এখন ৰিজৰ্টত আছিল। তাত তেওঁ গা ধোৱাত পিছলি পৰিল। যাৰ ফলত মূৰটো আঘাতপ্ৰাপ্ত হয়। লগে লগে তেওঁক ডিব্ৰুগড়ৰ এখন চিকিৎসালয়লৈ লৈ যোৱা হয়। মূৰত পাঁচটা চিলাই পৰে। তাৰ পৰা তেওঁক এয়াৰ এম্বুলেন্সেৰে গুৱাহাটীলৈ লৈ যোৱা হয় বুলি চিকিৎসকে জনায়, তেওঁক আপাততঃ পৰ্যবেক্ষণত ৰখা হৈছে।
চলিত বৰ্ষৰ আৰম্ভণিতে অসুস্থ হৈ পৰিছিল জুবিন গাৰ্গ। গুৱাহাটীত এটা অনুষ্ঠান সম্পাদন কৰি থাকোতে শাৰীৰিক অসুস্থতাৰ বাবে চিকিৎসালয়ত ভৰ্তি হৈছিল। জুবিনৰ অসুস্থতাৰ খবৰ পাই তেওঁৰ অনুৰাগীসকলে ছ’চিয়েল মিডিয়াত প্ৰিয় কণ্ঠশিল্পী গৰাকীৰ মংগলৰ কামনা কৰিছে।
কেৱল অসমতে নহয় বংগ আৰু বলীউডতো সমানেই জনপ্ৰিয় জুবিন। তেওঁৰ জনপ্ৰিয় গীতসমূহ হ’ল ‘গেং ষ্টাৰ’ৰ ‘য়া আলী’ আৰু Krrish 3 ’ৰ ‘দিল তু হী বাটা’। কণ্ঠশিল্পী গৰাকীৰ দুৰ্ঘটনাক লৈ চিন্তিত হৈ পৰিছে অসমৰ মুখ্যমন্ত্ৰী মাননীয় হিমন্ত বিশ্ব শৰ্মা । চিকিৎসাৰ ক্ষেত্ৰত কোনো ধৰণৰ গাফিলতি হ’ব নালাগে বুলিও তেওঁ নিৰ্দেশ দিয়ে।
আমাৰ এই লেখাবোৰ ভাল লাগিলে Times Guwahati পেজটো Like আৰু Follow কৰি দিব । যাতে দিনটোৰ ১০০ টা বাতৰি আগতিয়াকৈ পায় : Like কৰিবলৈ অনুগ্ৰহ কৰি তলত Click কৰিব www.facebook.com/Timesguwahatinews / https://twitter.com/times_guwahati