সন্তান জন্ম হোৱাৰ পিছতে কিয় কন্দুৱাই চিকিৎসকে, আপুনি জানেনে ?

do you know why baby cry just after birth

পৃথিৱীৰ প্ৰতিটো দম্পতীৰ বাবে এটা সপোন হ’ল এদিন পিতৃ-মাতৃ হোৱাটো ।এগৰাকী মাতৃয়ে ন মাহ ধৰি শিশুটিক নিজ গৰ্ভত ৰাখে। মাতৃৰ গৰ্ভত শিশুটিয়ে হাত-ভৰি জোকাৰি, হাঁহে আৰু কান্দে। প্ৰতিজন অভিভাৱকে শিশুটিৰ এটি কান্দোন শুনিবৰ বাবে অপেক্ষা কৰে।আপুনি কেতিয়াবা দেখিছেনে যে শিশুটি মাতৃৰ গৰ্ভৰ পৰা ওলাই অহাৰ লগে লগে সি কান্দিবলৈ ধৰে। যদি এনে নহয়, তেন্তে ডাক্তৰে শিশুটিক জানি বুজিয়েই কন্দুৱাই। কিন্তু আটাইতকৈ ডাঙৰ প্ৰশ্নটো হ’ল এনে কিয় হয় ? শিশুটিক পৃথিৱীলৈ অহাৰ লগে লগে প্ৰথমে কিয় কান্দিবলৈ বাধ্য কৰোৱা হয়?

পিতৃ-মাতৃয়ে সদায় সন্তানক হাঁহি থকা দেখিবলৈ বিচাৰে। কিন্তু কি কাৰণত শিশুটি পৃথিৱীলৈ অহাৰ লগে লগে তাক কান্দিবলৈ চেষ্টা কৰোৱা হয়? যদি আজিলৈকে আপুনি ভাবিছিল যে ইয়াৰ কোনো বিশেষ কাৰণ নাই, তেন্তে আপুনি ভুল ভাবিছিল। আচলতে শিশুটিক পৃথিৱীলৈ অনাৰ লগে লগে কান্দোন অনাটো অতি প্ৰয়োজনীয়। যদি তেনে নহয়, তেন্তে শিশুটিৰ ভৱিষ্যতৰ বাবে ই ভাল নহয়।

 কেঁচুৱাটোৰ বাবে কান্দোন এক আশীৰ্বাদ

কেঁচুৱাটো গৰ্ভৰ পৰা ওলোৱাৰ লগে লগে কান্দিলে বৰ ভাল বুলি গণ্য কৰা হয়। যদি শিশুটি পৃথিৱীলৈ অহাৰ লগে লগে কান্দিবলৈ আৰম্ভ কৰে, তেন্তে ইয়াক সুস্থ উৰ্বৰতাৰ লক্ষণ বুলি গণ্য কৰা হয়। কান্দিলে কেঁচুৱাটোৰ বাবে বহুতো উপকাৰিতা আছে। জন্মৰ লগে লগে কান্দিলে শিশুটিৰ হাওঁফাওঁত অক্সিজেন পোৱা যায়, যাৰ ফলত গোটেই জীৱন উশাহ লোৱাত সহায় কৰে। সেইবাবেই কেঁচুৱাটোৰ কান্দোনটো অতি গুৰুত্বপূৰ্ণ।

চাপৰ মাৰি কন্দুৱাই ডাক্তৰে

প্ৰকৃতিয়ে সকলো বস্তুৰে এনে ব্যৱস্থা বনাইছে যে সন্তান জন্ম হোৱাৰ পিছত স্বয়ংক্ৰিয়ভাৱে কান্দিবলৈ আৰম্ভ কৰে। যেতিয়া শিশুটি মাতৃৰ গৰ্ভত ডাঙৰ হৈ থাকে, তেতিয়া ভিতৰি ভিতৰি মাকৰ জৰিয়তে তেওঁ প্ৰয়োজনীয় সকলো বস্তু পায়। খাদ্যই হওক বা অক্সিজেনেই হওক। কিন্তু ওলাই অহাৰ লগে লগে শৰীৰত অক্সিজেনৰ পৰিমাণ কমি যায়। ফলত শিশুটিৰ উশাহ-নিশাহত অসুবিধা হয়। ইয়াৰ বাবেই কেঁচুৱাটোৱে নিজাববীয়াকৈ কান্দিবলৈ ধৰে। কিন্তু বহু সময়ত এনে নহয়। তেতিয়া ডাক্তৰ বা নাৰ্চে গালত বা পিঠিত লাহেকৈ মাৰি কান্দিবলৈ বাধ্য কৰাই দিয়ে যাতে হাওঁফাওঁত অক্সিজেন পোৱাত সহায় হয় ।

আমাৰ এই লেখাবোৰ ভাল লাগিলে Times Guwahati পেজটো Like  আৰু Follow কৰি দিব । যাতে দিনটোৰ ১০০ টা বাতৰি আগতিয়াকৈ পায় : Like কৰিবলৈ অনুগ্ৰহ কৰি তলত Click কৰিব www.facebook.com/Timesguwahatinews / https://twitter.com/times_guwahati