এইবোৰ লক্ষণ দেখিলে আপোনাৰ যমজ সন্তান হব পাৰে ! লক্ষণবোৰ জানি লওঁক

 what are the early signs of being pregnant with twins

গৰ্ভত এটাতকৈ অধিক ভ্ৰুণ থকাৰ বাবে আপুনি অধিক ভাগৰুৱা অনুভৱ কৰেনে? যদিও ইয়াৰ কোনো স্পষ্ট উত্তৰ নাই, তথাপিও ইয়াত যমজ সন্তানৰ কিছুমান লক্ষণ বিচাৰি পোৱা যায়।

গৰ্ভৱতী হোৱাৰ লগে লগে আপোনাৰ শৰীৰত বিভিন্ন পৰিৱৰ্তন ঘটে। বহুতো হৰম’নৰ নিঃসৰণৰ আৰম্ভ হয়। বিভিন্ন শাৰীৰিক লক্ষণ চাইজনা যায় যে যমজ সন্তান আছে নে নাই সেইটো নিশ্চিতভাৱে জানিবলৈ একমাত্ৰ উপায় হ’ল আল্ট্ৰাছাউণ্ড স্কেন কৰা। কিন্তু কিছুমান লক্ষণ দেখিলে গৰ্ভত এটাতকৈ অধিক ভ্ৰুণ আছে নে নাই আগতীয়াকৈ কব পাৰি। সেইবোৰ কি জানি লওক।

বমি হোৱাৰ প্ৰৱণতা

গৰ্ভাৱস্থাত বিভিন্ন হৰম’নৰ নিঃসৰণ আৰম্ভ হয়। সেইবাবেই বহুতৰে বমি হয় বা বমি হ’বলৈ ধৰে। গৰ্ভধাৰণৰ চাৰি সপ্তাহৰ পিছত এই লক্ষণসমূহ দেখা দিয়ে। বহুক্ষেত্ৰত ঋতুস্ৰাৱ বন্ধ হোৱাৰ আগতেই এনে ৰোগ হ’ব পাৰে। ইংৰাজীত এই লক্ষণটোক 'Morning Sickness' বুলি কোৱা হয়। কিন্তু এটা কথা মন কৰিবলগীয়া যে দিনটোৰ যিকোনো সময়তে এই সমস্যা হ’ব পাৰে। যিসকল লোকৰ গৰ্ভধাৰণৰ পিছত ১৪ সপ্তাহলৈকে এই সমস্যা হয় তেওঁলোকৰ গৰ্ভত এটাতকৈ অধিক ভ্ৰুণ থাকিব পাৰে।

ভাগৰ

ভাগৰুৱা হোৱাটো গৰ্ভাৱস্থাৰ অন্যতম লক্ষণ। প্ৰথম মাহত বহুতে এই ধৰণৰ ভাগৰ অনুভৱ কৰে। সঘনাই প্ৰস্ৰাৱ ধৰিলে ৰাতিৰ টোপনি ভাল নহয়।আাৰু তেতিয়া শৰীৰে পৰ্যাপ্ত বিশ্ৰাম নাপায়। যিসকলৰ ক্লান্তি সাধাৰণতকৈ বেছি, তেওঁলোকৰ যমজ সন্তান হোৱাৰ সম্ভাৱনাও বেছি। কিন্তু কাৰোবাৰ অতি ভাগৰুৱা হোৱাৰ অৰ্থ এইটোও নহয় যে গৰ্ভত যমজ সন্তান আছে।

উচ্চ এইচ চি জি

গৰ্ভাৱস্থাৰ সময়ত ইচিজি বা হিউমেন ক’ৰিয়ানিক গ’নাড’ট্ৰপিন নামৰ হৰম’নৰ নিঃসৰণ আৰম্ভ হয়। ঘৰুৱা গৰ্ভাৱস্থাৰ কিটত থকা প্ৰস্ৰাৱত এই হৰম’ন ধৰা পৰে। কিন্তু ইয়াৰ দ্বাৰা তেজত কিমান hCG আছে সেইটো নিৰ্ণয় কৰিব পৰা নাযায়। তেজৰ পৰীক্ষা কৰিলেহে বুজিব পাৰি। ২০১৬ চনৰ এক অধ্যয়নত দেখা গৈছে যে যিসকলৰ গৰ্ভত যমজ সন্তান আছিল, তেওঁলোকৰ তেজত স্বাভাৱিকতকৈ যথেষ্ট বেছি hCG আছিল।

দুবাৰকৈ হৃদস্পন্দন

৮ৰ পৰা ১০ সপ্তাহত শিশুটিৰ হৃদস্পন্দন শুনা যায়। যদি আপোনাৰ চিকিৎসকে ভাবে যে দুবাৰকৈ হৃদস্পন্দন শুনা গৈছে, তেন্তে ই যমজ সন্তানৰ লক্ষণ হ’ব পাৰে। বেছিভাগ চিকিৎসকে নিশ্চিত হ’বলৈ আল্ট্ৰাছাউণ্ড স্কেন কৰিবলৈ ক’ব।

পেট ফুলা

গৰ্ভধাৰণৰ প্ৰায় ২০ সপ্তাহৰ পিছত পেটটো ফুলি থকা দেখা পোৱাটোৱে বুজাই যে তাই মাতৃ হ’বলৈ গৈ আছে। কিন্তু যমজ সন্তান জন্ম দিয়া বহুতেই জনোৱা মতে ২০ সপ্তাহৰ আগতেই তেওঁলোকৰ পেট ফুলিবলৈ আৰম্ভ কৰিছিল। কিন্তু এটা কথা মন কৰিবলগীয়া যে মানুহৰ পেট ফুলাৰ সঠিক সময়ত ব্যক্তিভেদে বেলেগ বেলেগ হ’ব পাৰে।

ওজন বৃদ্ধি

গৰ্ভাৱস্থাৰ প্ৰথম ১২ সপ্তাহত বেছি ওজন বৃদ্ধি নহয়। তেতিয়া প্ৰায় ২ কেজি পৰ্যন্ত বৃদ্ধি হব পাৰে। কিন্তু যমজ সন্তান জন্ম দিয়া বহুতেই প্ৰথম ১২ সপ্তাহত অধিক ওজন বৃদ্ধি হোৱা বুলি প্ৰকাশ কৰিছে।

আমাৰ এই লেখাবোৰ ভাল লাগিলে Times Guwahati পেজটো Like  আৰু Follow কৰি দিব । যাতে দিনটোৰ ১০০ টা বাতৰি আগতিয়াকৈ পায় : Like কৰিবলৈ অনুগ্ৰহ কৰি তলত Click কৰিব www.facebook.com/Timesguwahatinews