Daughter in law run away with another man in Assam lakhimpur
লক্ষীমপুৰত বোৱাৰী নিয়া প্ৰতিযোগীতা
বিজ্ঞান প্রযুক্তি বিদ্যাৰ যুগত মবাইল ফোন খুবেই জৰুৰী । কিন্তু এই মবাইল ফোনৰ জৰিয়তে ধ্বংসৰ গৰাহত সোমাই পৰিছে একাংশ নৱপ্ৰজন্ম । বাদ পৰি থকা নাই জীয়ৰী বোৱাৰীও । একাংশই সামাজিক মাধ্যমৰ যোগেদি কৰা নিৰ্লজ্জ কৰ্ম কাণ্ডই ভবাই তুলিছে সচেতন মহলক । তেনে এক ঘটনাই সংঘটিত হৈছে লক্ষীমপুৰত। মাতৃ মমতা ময়ী । কিন্তু আজি আপোনালোকক দেখুৱাব বিচাৰিছো এগৰাকী হৃদয়হীনা মাতৃক ।
যি গৰাকী মাতৃয়ে 'মা' শব্দক কালিমা সানিছে । লজ্জানত হৈছে নাৰী সমাজ । লক্ষীমপুৰত এতিয়া বোৱাৰী নিয়া প্ৰতিযোগীতা । পলায় যোৱা মাতৃক বিচাৰি এতিয়া হাহাকাৰ কৰিছে কণমানি পুত্ৰ সন্তানে । শিশুটিৰ আহ্বান 'মা' তোমালৈ মোৰ বৰকৈ মনত পৰিছে । তুমি ক'ত আছা মোৰ ওচৰলৈ আহা । দেৱশিশুটিৰ আহ্বান শুনিলে আপোনাৰো দুচকু সেমেকি উঠিব । ইফালে স্বামীয়ে পুত্ৰ সন্তানক কোলাত লৈ বিচাৰি ফুৰিছে পত্নীক । উপায়ন্তৰ হৈ কাষ চাপিছে আৰক্ষীৰ লগতে সংবাদ মাধ্যমৰ ।
স্বামীয়েও কান্দি কান্দি অনুৰোধ জনাইছে পত্নীক তুমি ক'ত আছা পুত্ৰৰ মুখলৈ চাই ঘুৰি আহা । পৰ পুৰুষৰ লগত যোৱা এইটোৱে প্ৰথম ঘটনা নহয় । এনে ঘটনা সঘনাই সংঘটিত হ'বলৈ ধৰিছে এইখন সমাজত । আচলতে সমাজ কোন দিশে গতি কৰিছে ? পতি পত্নীৰ এই পবিত্র সম্পৰ্কত একাংশই এনেকৈ কালিমা সানিব ধৰা বিষয়টো সচাঁকৈ এক চিন্তনীয় বিষয় হৈ পৰিছে ।
